Convocatoria de concesión das axudas Bonos Corazón Compostela 2023 e apertura de prazo de adhesión para establecementos interesados

O obxecto destas bases é regular a convocatoria de concesión de axudas do programa de dinamización e incentivación do consumo no comercio e hostalería do municipio de Santiago de Compostela a través dos bonos Corazón Compostela, así como proceder á apertura do prazo de adhesión para os establecementos interesados.

A finalidade do programa de bonos Corazón Compostela é incentivar a demanda axudando economicamente ás persoas consumidoras e fomentar o consumo no comercio e hostalería do municipio de Santiago.

Os bonos estarán dispoñibles na web https://www.bonoscorazoncompostela.gal para a súa descarga polos usuarios a partir do día da publicación destas bases no BOP ás 9.30 h da mañá e terán validez ata o 22 de decembro de 2023.