Run Baby Run

Alba é unha atleta de éxito que loita por conseguir a vitoria e adestra duro para iso. É a favorita ao podio, pero a súa carreira verase truncada por un feito inesperado. Uns meses antes dos Xogos Olímpicos, a deportista é apartada da competición oficial.

Para Alba correr é respirar e nese momento o seu mundo derrúbase. Acompañada pola súa inseparable adestradora, verase nunha encrucillada na que loita por cumprir o seu soño sen renunciar ao seu verdadeiro ser.