A memoria do deserto

Esta mostra de fotografías de Saleta Rosón trasládanos a dúas cidades abandonadas: unha colonial baixo o nome de Kolmanskop, construída polos alemáns en 1908 no deserto do Namib (Namibia) para aloxar os traballadores das minas de diamantes. A outra é Al Madam, unha urbe levantada entre os anos 1970 e 1980 no interior do Emirato de Sharjah (Emiratos Árabes Unidos), a tan só 60 quilómetros da cidade de Dubai.