Detrás do espello. Galicia na obra de autores foráneos do século XX

Ao percorrer a exposición atoparemos a pegada de Galicia na vida ou na obra de García Márquez, Albert Einstein, Miles Davis, Ernest Hemingway, Luis Buñuel, Federico García Lorca, Julio Cortázar, Mike Oldfield, David Chipperfield, Anna Turbau ou Isabel Coixet, entre outros.

O proxecto está comisariado polo xornalista e xestor cultural Xosé Luís García Canido e polo escritor, músico, produtor e director audiovisual, Antón Reixa, recoñecido pola súa faceta de cantante e letrista de Os Resentidos e por ter formado parte do Grupo de Comunicación Poética Rompente nos 70. Reixa foi ademais distinguido en 2021 coa Medalla de Ouro ao Mérito nas Belas Artes.