evento
|
Población
01.12.2023-07.01.2024
18:00:00
Luces e voces da Alameda Compostelá: Itinerario con iluminación artística
Durante un mes completo, o noso parque máis insigne lucirá unha iluminación artística especial. Desde o venres 1 de decembro ao domingo 7 de xaneiro, as personaxes senlleiras e outros fitos da historia de Santiago e Galicia presentes na Alameda brillarán máis ca nunca. Propoñémosvos un itinerario para descubrilas todas, aquelas que levan décadas con nós e as de máis recente incorporación, mentres gozades dun fermoso paseo co caer do día. A partir das 18.00 h da tarde e ata entrar a noite, coincidindo co horario das luces de Nadal, atoparedes estes 14 puntos engalanados con luz e cor:
- 1. Porta Faxeira
- 2. As Marías
- 3. Valle-Inclán
- 4. Homenaxe a Carlos Maside
- 5. O banco dos namorados
- 6. A Leiteira
- 7. A fonte de mármore
- 8. Monumento a Rosalía de Castro
- 9. Federico García Lorca
- 10. Monumento a Pedro Pais Lapido
- 11. Pavillón de Recreo Artístico e Industrial (Escola Infantil de Santa Susana)
- 12. Homenaxe a Castelao
- 13. Igrexa de Santa Susana
Organiza: Turismo de Santiago / Concello de Santiago. Co apoio de: Deputación da Coruña.
