noticias
|
Población
12.07.2023
O 6º Encontro Emprendedor xirará arredor da economía urbana
O ciclo de Encontros Emprendedores ten marcada a súa próxima cita o día 18 de xullo cunha sesión sobre "A gastronomía e a restauración como valedores dos produtos locais", que contará coa presenza do chef e copropietario do Abastos 2.0, Iago Pazos. Os Encontros Emprendedores presentan iniciativas empresariais desenvoltas en Santiago que dan resposta aos retos identificados pola cidadanía de cara aos vindeiros anos.
Pasado o ecuador do ciclo, o Encontro Emprendedor de xullo centrarase no eixo da Economía Urbana. Así, porase o foco nas conexións que existen entre iniciativas emprendedoras recoñecidas na cidade, que destacan pola súa capacidade de cooperación e reforzo ao sector primario compostelán, en concreto, as iniciativas gastronómicas e de restauración vinculadas ao produto de proximidade na Praza de Abastos.
O 6º Encontro Emprendedor contará coa participación de Iago Pazos, chef con experiencia no emprendemento de iniciativas de restauración que xestiona Abastos 2.0, unha iniciativa que demostra que a unión entre os produtos locais e unha oferta gastronómica de calidade son sinónimo de éxito. A Praza de Abastos, como mercado da cidade, cobrará especial importancia xa que simboliza o punto de unión entre o rural e o urbano.
Nesta cita tamén haberá espazo para a conversa e o intercambio sobre o ecosistema emprendedor local e a oferta local de produtos de calidade. O Mercado galego da Creatividade ofrecerá tamén un almorzo de produtos locais, para fomentar o debate dende a proximidade
Este novo Encontro terá lugar o martes 18 de xullo, entre as 10 e as 12:30 horas, no Mercado galego da Creatividade (Creativas Galegas - Caldeirería 36). As inscricións están abertas e son de balde, a través deste enlace.
Para máis información, podes escribir a encontrosaxendaurbana2030@gmail.com.
Encontros emprendedores
O programa Encontros Emprendedores ten coma fin dar a coñecer as principais liñas de acción da Axenda Urbana 2030 de Santiago de Compostela e tamén facer as veces de espazo de encontro, debate e coñecemento arredor de proxectos empresariais salientables vencellados aos 10 obxectivos da Axenda Urbana Española, resaltando a súa relación coas 6 Dimensións Estratéxicas da Axenda Urbana 2030 de Santiago.
Os Encontros Emprendedores estanse a desenvolver ao longo do 2023 coas seguintes temáticas:
Marzo: Modelo de cidade
Abril: Cambio climático e resiliencia
Maio: Xestión sostible dos recursos e economía circular
Xuño: Mobilidade e transporte
Xullo: Cohesión social e igualdade de oportunidades
Agosto: Economía urbana
Setembro: Vivenda
Outubro: Era dixital
Novembro: Gobernanza
O 6º Encontro Emprendedor contará coa participación de Iago Pazos, chef con experiencia no emprendemento de iniciativas de restauración que xestiona Abastos 2.0, unha iniciativa que demostra que a unión entre os produtos locais e unha oferta gastronómica de calidade son sinónimo de éxito. A Praza de Abastos, como mercado da cidade, cobrará especial importancia xa que simboliza o punto de unión entre o rural e o urbano.
Nesta cita tamén haberá espazo para a conversa e o intercambio sobre o ecosistema emprendedor local e a oferta local de produtos de calidade. O Mercado galego da Creatividade ofrecerá tamén un almorzo de produtos locais, para fomentar o debate dende a proximidade
Este novo Encontro terá lugar o martes 18 de xullo, entre as 10 e as 12:30 horas, no Mercado galego da Creatividade (Creativas Galegas - Caldeirería 36). As inscricións están abertas e son de balde, a través deste enlace.
Para máis información, podes escribir a encontrosaxendaurbana2030@gmail.com.
Encontros emprendedores
O programa Encontros Emprendedores ten coma fin dar a coñecer as principais liñas de acción da Axenda Urbana 2030 de Santiago de Compostela e tamén facer as veces de espazo de encontro, debate e coñecemento arredor de proxectos empresariais salientables vencellados aos 10 obxectivos da Axenda Urbana Española, resaltando a súa relación coas 6 Dimensións Estratéxicas da Axenda Urbana 2030 de Santiago.
Os Encontros Emprendedores estanse a desenvolver ao longo do 2023 coas seguintes temáticas:
Marzo: Modelo de cidade
Abril: Cambio climático e resiliencia
Maio: Xestión sostible dos recursos e economía circular
Xuño: Mobilidade e transporte
Xullo: Cohesión social e igualdade de oportunidades
Agosto: Economía urbana
Setembro: Vivenda
Outubro: Era dixital
Novembro: Gobernanza
