noticias
|
Población
11.08.2020
O Concello e Viaqua lanzan unha campaña para recordar a importancia de facer un uso responsable da auga para evitar situacións de seca
O Concello de Santiago e Viaqua, como xestora dos servizos municipais de abastecemento de auga potable e rede de sumidoiros de augas residuais, fan un chamamento aos veciños e veciñas, así como a turistas e habitantes non empadroados/as que veñen gozar das súas vivendas neste período estival, para que tomen conciencia da necesidade de facer un consumo racional, axustado e solidario da auga.
A concelleira de Medio Ambiente, Mila Castro, e a xerente en Santiago de Viaqua, Ana Tejeiro, presentaron esta nova campaña, a través da cal se lembra que a situación climatolóxica dos últimos anos tivo un impacto nos caudais ecolóxicos dos ríos, especialmente no verán. Para tratar de anticiparnos e manter as reservas durante o período vacacional, especialmente nun ano onde a auga é crítica tamén dende un punto de vista sanitario, resulta imprescindible reducir o consumo.
En calquera caso, Mila Castro, lanzou unha mensaxe de "tranquilidade", xa que "neste intre, non hai problemas de abastecemento no noso concello". Isto non é óbice, dixo, para que "nos concienciemos de que a auga é un recurso natural escaso, que debemos utilizar, non só nestes momentos nos que non chove, senón ao longo de todo o ano, dun xeito racional e responsable".
Nesa mensaxe de tranquilidade incidiu tamén Ana Tejeiro, quen insistiu en que a capacidade de subministración en Compostela está garantida, pero tamén en que é necesario actuar de xeito preventivo para "manter a sustentabilidade dos recursos".
Accións sinxelas, pero moi útiles
Por isto, Viaqua solicita a colaboración cidadá para que, entre todos, contribuír á redución do consumo de auga. Neste sentido, é imprescindible asegurar un uso racional, evitando malgastes, lembrando a necesidade de seguir normas como:
- Uso preferente de ducha fronte ao baño.
- Utilización da lavadora e o lavalouzas a plena carga e en programa económico.
- Evitar o lavado de coches ou patios con auga potable.
- Manter as billas abertas o tempo imprescindible de uso.
- Pechar levemente a chave de paso da vivenda se se vai a estar varios días fóra.
- Evitar regar o xardín e as plantas con auga potable e nas horas de maior calor.
- Manter a auga na piscina para garantir a propia estrutura do vaso, ademais de non desperdiciar o volume.
Ademais, Viaqua solicita informar ás autoridades sobre calquera incidente de perda ou malgasto do que se teña coñecemento.
Estas mensaxes de sensibilización difundiranse a través de carteis informativos que se colocarán en centros e dependencias municipais, entre as asociacións veciñais e tamén entre os centros educativos unha vez se abran os mesmos. Ademais, aparecerán a través das diferentes redes sociais.
O ciclo da auga en Compostela
Ana Tejeiro aproveitou a rolda de prensa para lembrar que a Estación de Tratamento de Auga Potable de Santiago de Compostela conta cunha capacidade nominal de tratamento de 900 l/s, superior ao caudal punta en días de máximo consumo. Nesta instalación traballa persoal mediante quendas as 24 horas dos 365 días ao ano.
A auga tratada almacénase no depósito da ETAP e distribúese aos depósitos mediante a estación de bombeo aos catro depósitos de cabeceira – Polígono do Tambre, Sionlla, Vilares e A Almáciga- e aos dous depósitos de distribución, en Salgueiriños e no Monte do Gozo. En total, estes seis depósitos teñen unha capacidade de case 70.000 metros cúbicos.
A rede de abastecemento de Santiago presenta unha estrutura ramificada, aínda que non núcleo urbano a rede atópase mallada case na súa totalidade. En total, son 584,69 quilómetros dunha rede moi heteroxénea en canto a material e diámetro.
A auga é analizada diariamente en diferentes puntos da cidade, cuns 15.000 parámetros inspeccionados anualmente.
Todo este percorrido é o que fai a auga potable, uns 10.500.000 metros cúbicos ao ano, polas diferentes infraestruturas dende a captación no río Tambre ata que chega aos case 60.000 puntos de subministro do municipio.
En calquera caso, Mila Castro, lanzou unha mensaxe de "tranquilidade", xa que "neste intre, non hai problemas de abastecemento no noso concello". Isto non é óbice, dixo, para que "nos concienciemos de que a auga é un recurso natural escaso, que debemos utilizar, non só nestes momentos nos que non chove, senón ao longo de todo o ano, dun xeito racional e responsable".
Nesa mensaxe de tranquilidade incidiu tamén Ana Tejeiro, quen insistiu en que a capacidade de subministración en Compostela está garantida, pero tamén en que é necesario actuar de xeito preventivo para "manter a sustentabilidade dos recursos".
Accións sinxelas, pero moi útiles
Por isto, Viaqua solicita a colaboración cidadá para que, entre todos, contribuír á redución do consumo de auga. Neste sentido, é imprescindible asegurar un uso racional, evitando malgastes, lembrando a necesidade de seguir normas como:
- Uso preferente de ducha fronte ao baño.
- Utilización da lavadora e o lavalouzas a plena carga e en programa económico.
- Evitar o lavado de coches ou patios con auga potable.
- Manter as billas abertas o tempo imprescindible de uso.
- Pechar levemente a chave de paso da vivenda se se vai a estar varios días fóra.
- Evitar regar o xardín e as plantas con auga potable e nas horas de maior calor.
- Manter a auga na piscina para garantir a propia estrutura do vaso, ademais de non desperdiciar o volume.
Ademais, Viaqua solicita informar ás autoridades sobre calquera incidente de perda ou malgasto do que se teña coñecemento.
Estas mensaxes de sensibilización difundiranse a través de carteis informativos que se colocarán en centros e dependencias municipais, entre as asociacións veciñais e tamén entre os centros educativos unha vez se abran os mesmos. Ademais, aparecerán a través das diferentes redes sociais.
O ciclo da auga en Compostela
Ana Tejeiro aproveitou a rolda de prensa para lembrar que a Estación de Tratamento de Auga Potable de Santiago de Compostela conta cunha capacidade nominal de tratamento de 900 l/s, superior ao caudal punta en días de máximo consumo. Nesta instalación traballa persoal mediante quendas as 24 horas dos 365 días ao ano.
A auga tratada almacénase no depósito da ETAP e distribúese aos depósitos mediante a estación de bombeo aos catro depósitos de cabeceira – Polígono do Tambre, Sionlla, Vilares e A Almáciga- e aos dous depósitos de distribución, en Salgueiriños e no Monte do Gozo. En total, estes seis depósitos teñen unha capacidade de case 70.000 metros cúbicos.
A rede de abastecemento de Santiago presenta unha estrutura ramificada, aínda que non núcleo urbano a rede atópase mallada case na súa totalidade. En total, son 584,69 quilómetros dunha rede moi heteroxénea en canto a material e diámetro.
A auga é analizada diariamente en diferentes puntos da cidade, cuns 15.000 parámetros inspeccionados anualmente.
Todo este percorrido é o que fai a auga potable, uns 10.500.000 metros cúbicos ao ano, polas diferentes infraestruturas dende a captación no río Tambre ata que chega aos case 60.000 puntos de subministro do municipio.
