Paulo Pascual (theremin+ondas)

Paulo Pascual é un dos poucos thereministas do estado. Traballa co instrumento electrónico intanxible (theremin) desenvolvendo obradoiros en escolas, conservatorios, centros culturais, etc. Grava e edita pezas en diferentes formatos (vinilo, cd, cassete).

Publicou un LP en vinilo con ese instrumento tan especial como solista xunto a violonchelos, pianos e guitarras en 2018. No 2022, co filme Negro Púrpura, foi o primeiro en compoñer, interpretar, gravar e editar en vinilo unha banda sonora dun film co seu peculiar instrumento. A sua liña de traballo de composición e interpretación musical é ecléctica, viaxa por sons experimentais, sons exóticos, sons que levan aires de antigos films de ciencia ficción desde unha visión electrónica e contemporánea.