• Asesora e orienta a muller sobre os seus dereitos e formas de inserción laboral.
• Presta información e asesoramento xurídico, así como atención psicolóxica ás mulleres que a demanden.
• Dispón dun servizo de atención domiciliaria da infancia.
• Desenvolve programas de promoción e participación social, de prevención e intervención para colectivos de mulleres de alto risco.

CENTRO DE INFORMACIÓN ÁS MULLERES (CIM)

• Desenvolve a política municipal en materia de mocidade, tendo como eixes a promoción do asociacionismo xuvenil e a dinamización sociocultural da xuventude de Santiago de Compostela.
• Ocúpase da execución de iniciativas propias dirixidas á mocidade, así como das que xorden desde os propios colectivos cun labor de apoio e asesoría técnica e establecendo as correspondentes liñas de axuda.
• Fomenta a creación de espacios de formación para que os mozos/as membros de asociacións xuvenís poidan empregar as ferramentas máis axeitadas para atender o seu ámbito de referencia.

É unha compañía mercantil, participada polo Concello e MERCASA,. creada para mellorar en todas as ordes os ciclos de comercialización de produtos alimenticios e a promoción, construción e explotación de mercados por xunto en Santiago e dos servizos complementarios que sexan precisos para a súa utilización e a comodidade dos usuarios.

O Concello de Santiago presta especial atención ao proceso de normalización lingüística a través da galeguización dos seus servizos e tamén poñendo en marcha programas dirixidos á poboación e ás entidades asociativas ou empresariais de Compostela.

Ademais dunha Concellaría Delegada de Normalización Lingüística, a Corporación Municipal creou o Consello Municipal de Normalización Lingúística co fin de facilitar a participación cidadá no deseño e posta en práctica da política lingüística municipal.

O Servizo de Licenzas e Disciplina Urbanística encárgase de verificar a legalidade urbanística das actuacións de transformación material e utilización do solo e das edificacións, tanto para vivenda como para actividades. Comproba e asegura que as ditas actuacións cumpren a normativa urbanística (planeamento xeral e de desenvolvemento), de habitabilidade, seguridade contra incendios, acústica, accesibilidade, etc.

As súas funcións vincúlanse á dirección e supervisión das obras e proxectos de iniciativa pública. Neste Servizo redactanse proxectos, diríxense obras, tramitando certificacións con Contratación e Intervención, e coordinase a súa execución cando se dirixen por técnicos externos, ou son obras que a promoción privada ou outras administracións executan para a administración municipal.
 

Turismo de Santiago - Incolsa é a empresa municipal creada en 1999 polo Concello de Santiago para atender as necesidades de promoción da cidade do Apóstol, especialmente no sector turístico.

Na tarefa de definir a imaxe da cidade ante habitantes e visitantes, Turismo de Santiago trata de manter un diálogo permanente cos representantes do sector turístico na cidade e con outras institucións de promoción turística españois, como o Grupo de Cidades Patrimonio da Humanidade, o grupo España Verde, Turgalicia e Turespaña.

É unha fundación de interese galego, carácter privado e permanente, que ten como fins primordiais:

• A creación e mantemento do Museo Eugenio Granell na cidade de Santiago de Compostela.
• A fomento do estudo e difusión da obra de Eugenio Granell.
• A promoción e a divulgación de todas as manifestacións artísticas do movemento surrealista e doutras correntes artísticas afíns.
• A divulgación, investigación e estudo de manifestacións artísticas étnicas.

É unha fundación de interese galego, de carácter cultural, privado, permanente e sen ánimo de lucro, que ten como obxecto promover o estudo da obra de Gonzalo Torrente Ballester e a conservación do seu legado cultural.
    O domicilio atópase no inmoble sito na rúa do Vilar, número 7 de Santiago

É unha fundación de interese galego constituída, por tempo indefinido, pola Universidade de Santiago, Arenas Santa Comba S.L., Ilión Grupo Creativo S.L. e á que se adheriron o Concello de Santiago e a Fundación ONCE.

O obxecto ou fin xenérico da fundación é a promoción, desenvolvemento, ensinanza, investigación e difusión da artesanía e historia do vidro, a súa fabricación artística e demais actividades culturais e científicas relacionadas coa técnica do vidro.