Nada en Suíza, en 1974. Veciña de San Xoan de Fecha. Coordinadora xeral do PP de Santiago. Licenciada en Dereito. Funcionaria de carreira do corpo superior da Xunta de Galicia, foi xefa de servizo de Patrimonio do Servizo Galego de Saúde (2008-2009), subdirectora xeral de Programas para a Xuventude da Xunta de Galicia (2008-2009). Na actualidade é subdirectora xeral de Recursos Residenciais e Atención Diúrna para Maiores na Consellería de Política Social e Xuventude.

Nada no 1977 en Santiago. Veciña de Santa Marta. Licenciada en Dereito con Diploma de Estudos Avanzados. Máster en Administración Financeira e Tributaria, Máster en Dirección Pública, Políticas Públicas e Tributación e técnica superior de Urbanismo. Funcionaria, secretaria-interventora, pertence tamén ao corpo superior da Administración Xeral da Xunta de Galicia.

Nado en Santiago en 1980. Licenciado e Doutor en Dereito. Funcionario, interventor de concello, pertence tamén ao corpo superior de Administración Xeral da Xunta de Galicia. Foi secretario xeral técnico da Consellería de Economía, Emprego e Industria (2011-2020) e subdirector xeral de Administración Local da Consellería de Presidencia (2009-2011). Actualmente deputado do Parlamento de Galicia e presidente do PP de Santiago.

Profesora universitaria e doutora en Filoloxía Galego-Portuguesa. Foi directora do Servizo de Normalización Lingüística da Universidade. Con anterioridade, impartiu aulas no Instituto de Idiomas da Universidade de Santiago de Compostela e no Instituto Eduardo Pondal. Participa activamente dos movementos cultural, en defensa da lingua e feminista. Foi responsábel local do BNG en Santiago e vicepresidenta da Deputación da Coruña. Na actualidade, forma parte da Executiva Nacional do BNG.

Naceu na Coruña en 1966, e é pai de dous fillos. É Diplomado en Biblioteconomía e Documentación, e traballa na Universidade de Santiago. Ten unha longa traxectoria vinculada ao movemento ecoloxista: foi presidente de ADEGA; coordenador xeral de Verdegaia, organización da que segue formando parte; e membro de Ecoloxistas en Acción. Foi concelleiro de Medio Ambiente e Convivencia en Santiago no periodo 2015-2019.

Arquitecto pola Universidade Politécnica de Madrid e doutor en Rexeneración Urbana e Desenvolvemento Económico pola Universidade ‘Mediterranea’ de Reggio Calabria (Italia). Realizou estadías de investigación e intercambios académicos en universidades de Portugal, Estados Unidos, Arxentina e Noruega. Traballou como arquitecto no ámbito do urbanismo e a ordenación territorial, como consultor internacional de innovación e como investigador na Universidade de Santiago de Compostela.