As súas funcións vincúlanse á dirección e supervisión das obras e proxectos de iniciativa pública. Neste Servizo redactanse proxectos, diríxense obras, tramitando certificacións con Contratación e Intervención, e coordinase a súa execución cando se dirixen por técnicos externos, ou son obras que a promoción privada ou outras administracións executan para a administración municipal.
 

O Servizo de Licenzas e Disciplina Urbanística encárgase de verificar a legalidade urbanística das actuacións de transformación material e utilización do solo e das edificacións, tanto para vivenda como para actividades. Comproba e asegura que as ditas actuacións cumpren a normativa urbanística (planeamento xeral e de desenvolvemento), de habitabilidade, seguridade contra incendios, acústica, accesibilidade, etc.

O Concello de Santiago presta especial atención ao proceso de normalización lingüística a través da galeguización dos seus servizos e tamén poñendo en marcha programas dirixidos á poboación e ás entidades asociativas ou empresariais de Compostela.

Ademais dunha Concellaría Delegada de Normalización Lingüística, a Corporación Municipal creou o Consello Municipal de Normalización Lingúística co fin de facilitar a participación cidadá no deseño e posta en práctica da política lingüística municipal.

É unha compañía mercantil, participada polo Concello e MERCASA,. creada para mellorar en todas as ordes os ciclos de comercialización de produtos alimenticios e a promoción, construción e explotación de mercados por xunto en Santiago e dos servizos complementarios que sexan precisos para a súa utilización e a comodidade dos usuarios.

• Desenvolve a política municipal en materia de mocidade, tendo como eixes a promoción do asociacionismo xuvenil e a dinamización sociocultural da xuventude de Santiago de Compostela.
• Ocúpase da execución de iniciativas propias dirixidas á mocidade, así como das que xorden desde os propios colectivos cun labor de apoio e asesoría técnica e establecendo as correspondentes liñas de axuda.
• Fomenta a creación de espacios de formación para que os mozos/as membros de asociacións xuvenís poidan empregar as ferramentas máis axeitadas para atender o seu ámbito de referencia.

É un organismo autónomo local de carácter administrativo con personalidade xurídica e patrimonio especial. Ten por obxecto a elaboración, deseño e execución dos programas e actividades culturais de maior magnitude no ámbito da música, ópera, teatro, congresos e exposicións.

A súa actividade estrutúrase en torno a sete grandes áreas:

Presta auxilio nos sinistros ou emerxencia, participando nos seguintes sucesos:

Atende os problemas en solo de titularidade municipal, actuando nos seguintes supostos:

• Reparación e reconstrución de beirarrúas.
• Reparación e pavimentación en formigón e asfáltica.
• Desbroce de maleza en pistas municipais.
• Mantemento de edificios municipais.
• Execucións subsidiarias, etc.

Actúa de oficio, por partes policiais ou a pedimento de particulares, mediante a presentación dunha queixa formal.
 

Son equipamentos de uso comunitario, xeralmente de titularidade municipal, onde se organizan actividades que pretenden fomentar a convivencia dos veciños a través de programas de ocio (deportes, cine, teatro, excursións, exposicións), sociais (bibliotecas, cursos de alfabetización de adultos...) e de aprendizaxe (obradoiros de manualidades, astronomía, xardinería, ioga, etc.). Están abertos á participación de todos os veciños de Compostela.

O Consorcio é unha entidade de dereito público de carácter interadministrativo, de titularidade do municipio de Santiago, creado polas Administracións do Estado, Comunidade Autónoma de Galicia e o municipio de Santiago de Compostela.