Este museo recrea o ambiente estudiantil da afamada pensión rexentada por dona Generosa en Santiago de Compostela a finais do século XIX, e inmortalizada polo escritor Alejandro Pérez Lugín na súa novela La Casa de la Troya.

A Fundación Eugenio Granell inicia a súa andaina en 1995 trala sinatura dun convenio entre o artista surrealista Eugenio Granell e o Concello de Santiago. Con sede no Pazo de Bendaña, na céntrica praza compostelá do Toural, a Fundación alberga obras do propio artista, as súas coleccións surrealista e étnica e, a partir do ano 1997 as obras doadas polo artista surrealista inglés Philip West, quen tamén nos legou a súa colección de libros surrealistas.

San Martiño Pinario foi o máis influínte e grande dos mosteiros beneditinos de Galiza, e o segundo en tamaño de toda España tras o do Escorial.

O seu museo inclúe a visita á igrexa, que destaca entre todas as da cidade polo seu impresionante baldaquino e polo cadeirado dos seus coros (o do coro alto é renacentista do s. XVII e pertenceu á Catedral).

Cunha superficie expositiva de 6.600 metros cadrados, dividida en tres plantas, acolle exposicións temporais de fondo calado, o cal ofrece a posibilidade de amosar instalacións que pola súa envergadura non poderían exhibirse noutros centros culturais de Galicia. Ademais das exposicións, o Museo desprega unha oferta de actividades formativas e de divulgación que o convirten nun centro activo e en continua renovación.

O Museo das Peregrinacións e de Santiago ocupa o edificio do antigo Banco de España, deseñado polo arquitecto Romualdo Madariaga Céspedes e construído en 1939 na parcela das casas de Espinosa. Encóntrase na Praza de Praterías, a poucos metros da fachada sur da Catedral. Na súa planta baixa ábrense 5 arcos sobre columnas que forman soportais.

O Museo de Magia Kiko Pastur é un espazo único na sua categoría como referente cultural e recreativo en Santiago de Compostela. Situado no casco histórico, a un par de minutos da catedral, e nun dos lugares máis emblemáticos da cidade: fronte a igrexa de San Martiño Pinario.

O local conta cunha exposición permanente e interativa de ilusións ópticas, pezas históricas e artiluxios do arte da maxia. A visita permite sorprenderse cos magos do museo, profesionais do ilusionismo que realizan demostracións de maxia en directo.